Monday, July 27, 2009

அங்கன்வாடி அடாவடி

அப்போ முருகனுக்கு நாலு இல்ல அஞ்சு வயசு, ரெண்டு வயசு வரைக்கும் அம்மா ரத்தத்த பாலா குடிச்சு அடுத்த ரெண்டு வயசு வரைக்கும் வீட்டில செல்ல பிள்ளையா இருந்தவன அங்கன்வாடியில தர தரன்னு இழுத்துகினு போயி சேர்த்தாரு முருகனுக்கு நரகமா இருந்தது.

ஒவ்வொரு நாளும் அடி வாங்கி கிட்டுதான் போனான் . எங்கள் வீட்டில் இருந்து அங்கன்வாடி பக்கத்து வூர்ல இருந்தது வழி அர கிலோமீட்டர் நடந்துதான் போவனும். மெயின் ரோடு தாண்டி ரயில்ரோடு தாண்டி போவனும் வழி நெடுகிலும் தூங்கு மூஞ்சி மரங்கள் அழகாக தன் இலைகளை அசைத்து அசைத்து வீட்டுக்கு போடாபோடா என்று சொன்னது போன்ற ஒரு பிரமை என்னத்த செய்ய முதல் நாளே நான் போகமாட்டேன் என்று சொன்னான் ஆனான் கேட்க ஆள் வேண்டுமே ! ஆனாலும் அந்த மனவெளி ரோடு அழகோ அழகு இரு புறமும் வயல்வெளி கரும்பு தோட்டங்கள் இடது பக்கம் மேட்டுபாலயதாரின் நெல்லு வயல் வலது பக்கம் சாம்பாரு வீட்டு கரும்பு தோட்டம், பச்சைபசேல் வரப்புகள் இடையில் பாம்பு செட் , அப்படியே போனா இடது பக்கம் அரச மரம், பிள்ளையார் கோயில் , குளம், மாரியம்மன் கோயில் , இத தாண்டினாத்தான் நம்மாளு நரகம் அதாங்க அங்கன்வாடி.

அங்கன்வாடி, அந்த வூரு படையச்சியாரோட வீடு, முதல் நாள் காலையில கொண்டுபோய் நம்மால விட்டாங்க , நம்மாளு அழுது பொரண்டு , அடி ஓத வாங்கி அழுது வடிந்த கண்களோட போயி ஒக்காந்தான்.

சும்மா சொல்லக்கூடாது அங்க kaalaiyila பாட்டு, கதை எல்லாம் சொல்லி குடுத்தாங்க அப்புறம் மதியம் சாப்பாடு என்னானா கோதுமை கலி நல்லா கொழ கொழன்னு போடுவாங்க அது நம்மாளுக்கு சுத்தமா புடிக்காது. என்ன பன்றது சாப்பிட்டுதான் ஆகணும். ஓகே அடுத்து எல்லோரயும் தூங்க வைப்பாங்க யாராவது தூங்கல அங்க பசங்கள பாத்துக்க இருக்கற அந்த பொண்ணு நீலமா ஒருகுச்சி வச்சிகிட்ட்டு டோபுன்னு ஒன்னு போடும், தூங்கரியோ இல்லையோ கண்ணா மூடிகிட்டு இருக்கணும் . அப்புறமா ஒரு மூணு மணிக்கு மூக்கு கடல அவிச்சு கை நெறைய கொடுப்பாங்க, அத நம்மாளுங்க டிரௌசர் சொக்காயில போட்டுக்கிட்டு வீட்டுக்கு போவாங்க.

நம்ம முருகனுக்கு சுத்தமா அங்கன்வாடி பிடிக்கவே இல்ல, வீட்டிலிருந்து கிளம்பி அப்பா கூட ரயில்வே ரோட தாண்டி வந்தவுடன் நேரா போக வேண்டியது பாம்பு செட் பின்னாடிபோயி ஒக்கந்துக்க வேண்டியது அதுவும் அழகா திரும்பி திரும்பி பார்க்க வேண்டியது யாரும் பாக்கலன்னு தெரிஞ்ச வொடனே நைசா வரப்புமேடு மேல நடந்து சாம்பாரு வீட்டு பம்புசெட்டு பின்னால ஒக்காந்துட வேண்டியது.
இதே பொழப்பா ஓடின வண்டி ஒருநாளு மாட்டிகிச்சி.........
-அடிவாங்கி கன்னம் கிழிந்த படலம் அடுத்த பதிவில் ....

No comments:

Post a Comment

பின்னூட்டமிட்டு செல்லுங்கள்...

தமிழில் வாக்கியம் அமைக்க